NULA KAN RIM VE TA!!!

Kum 18 kan han kai meuh chuan nula hmeltha melh zuk zuk pawh kan hrat ve ta hle mai, nula rim ve chak siin rim ngam chiah silo in khawilai kawn emaw dawrkawt emaw a thut hung te pawh kan hrat chho viau bawk a. Hunin a rawn hril zel a a tawp a tawp ah chuan nula rim tur pawh kan hmu chho ve tan ta, kan thian ho hi 10 vel kan ni a nula rim dawnchuan inthlim te pawh ngai nasa thin tak a ni.

Nula rim hmasakna ber a lo thleng ta kan thian ho ah inkawmngeih fal bik pali kan inthurual a a rukin veng mawng lama nula in pan chuan kan liam thla ve ta a, nula in kan han thleng chu lut hmasa ber tur ah buaina a awm ta, ingki ingki pawng ki in kan han zawng hmasa leh te te a, ingki ingki pawngki kan han ti zo chiah chu lut hmasa ber tur pa chuan a hmazawn a mi ber chu a nam ta thut a, kawng ka zawnah tak kan ding bawk ni an kawngka lah nam hawn lo ni bawk nen kan thianpa pakhat chu an sitting room ah chuan ah chuan a tlu tawlh phei vawn vawn mai le, chutah keini lam kan biru zuk rawlthar nuih duh a chhuak mittui tla leh ekcheh tep khawpin kan han nui ta a nih kha, a hnu deuh chuan keini pawh chu min rawn ko ve ta a, kan han leng chu kan nui tut tut reng a ni mai, lenrei kha tum lo mah ila han haw tawp danah khan kan buai leh ta a, kan ding rual thup a kan chhuak ve ta kha a nia, chutah kan chhuak chiah chu insual tum thelh ngai an awm lehnghal a hahhahhaaa Khang hunlai kha a lo nuam in a lo ngaihawm ngei mai.

Nula rim vawihnihna ber a lo thleng leh dawn ta, tleng lut pa kha chu a rawn tel ve duh ta lo a, a aiah midang kan la ta a nula in kan thleng chu lut hmasa tur zawn a ngai leh ta tlat ingki ingki pawng ki kha chu a fair lo kan ti bawk si. Nula a awm nge awm lo fiah phawt ang kan ti, an kawngka chungah ventilation awm ah chuan bihthlak hmaasak phawt kan rel ta a, kei chu ka thinpa pakhat in min koki chhuan a, pahnih dangin thawm an lo ngaithla bawk a, chutah le rin loh tak maiin a pa in kawngka rawn hawng thut mai le, kei chu chunglam a awm ka nia ka lang pha lo hlauh a, min koki chhuan tu hmel chu an hmu chiang khawp mai. :) Nula pa kha a fel ve hrim hrim a min ko lut hlawm ta a, min kokichhuan tu chu a beng leh a hnar leh a biang chu a sen mai pawh ni lo a ling vek in ka hria hahahhahha

Zemabawk nula rim chungchang..... Ka thianpa nen inkawm bik deuh kan awm a, scooter NV ngei mai kha a nei bawk a, a rukin lengturin kan inhrilh a midang hriat hlauin a rukin kan va leng ve ngei ta bawk a, kan thleng phei kan thu fel deuhchiah tih chuan, an rawn thleng ta truk truk mai, a rukin min lo zui chu ni in sitting room khat hmur a kan han thu mai chu , a bialnu nei tupa pawh zak ve khawp mai :) thingpui an rawn sem te chu Tray khat hmurin an rawn chawi a, chutah rawlthar nuih duh nen nuih kur kur chin thin lai kha ni bawk sia zahthlak ve duh tak a ni. CHutah kan haw a le report an pe an pangpar khawi eng pangpar nge ka hre ta lo a puak pep pep thei te chu an lo hmet puak zo vek a, a then in an parda ka depkang palh an lo ti, a thenin an bathroom ah ka sum te an lo ti hahahhha chhangchhiat theih ngei mai. Mahse hetiang hunlai hi tun thleng hin hun nuam tak a ni tih hi ka hrechhuak uarh uarh in ka lung a leng veng veng thin. Tumah lah chu inkawm tha hman kan awm tawh silo. Hun te hi a ral zel anga ti hian kan tar ve mai dawn chu a ni sia le.
Sawi tur tamtak a la awm a nuihzatthlak deuh deuh pawh mahse a sei lutuk dawn duhtawk rih phawt ang remchang ah chhunzawm kan tum leh dawn nia.