Aizawl Thakthing Veng atanga ka leng haw chu a la hma deuh avangin ke in ka kal a, ka chho zela Sikulpuikawn ka thleng chho chu Traffic Point-a Traffic dinnaah chuan Sailova leh Robert-a hian Halleluia Chorus hi a part chikim hian an lo sa dun hep hep mai a, mak ti taka en pah chuan a chunglam Over Bridge chu ka melh chhova. A va han hmeltha kher em, ka sik chak lutuk che ka ti zo hman lo deuh. Tlangval pakhat a rawn kala a rawn kuaha an inkeih ta bawrh bawrh mai. Ka thinrim tih ngaihna dang awm si lo, tlangval i seh na palh hlauh ange aw ka ti rilru a. E he he tih pahin Aizawl College Canteen-ah chuan ka chawl lut ve ta ringawt a, kawngpui hnaih lo lam tlarah chuan ka thu a, lehlam pang tlar chu kan en phei a. Tlar thumna a thu te chu an lo inkeih leh siah siah mai. Khai aw an va zak lo em ka ti ringawt a, han in hauh ngawt chi lah a ni mang si lo. Keimah zawk chu engmah pawh ei ta lo chuan ka inthiarfihlim leh ta a, ka zak khawp mai.
Ke bawk chuan ka kal zel a, ka kal muang deuh nge City Park ka thlen chuan a thim ta der mai, mahse zan light(eng) hnuaiah chuan engkim a hmuh theih vek a, Assembly House zawna ka kal lai chuan Treasury Square vel chu kan en phei a, mihring an la tam riau mai. Enge an tih aw ka ti rulru a, ka hnaih phei zel a. Thil mak a lo awm teuh mai, a va mak ngai em, film an chang emaw ka ti. Cameraman ka zawng ka hmu si lo, an va han zak lo tak em...awi karei... Taxi lo ding tlar hnaih deuh ah chuan ka kal phei a, chutah pawh thil mak tho mihring dang pawh an zah lo. Taxi chhungah chuan an lo in fawpin an in khawih bawrh bawrh mai a, driver lah chu engmah hrelo ang maiin meizial a zu khu luih luih a. Supply office kawt phei Bus Stand vel chu a va han tenawm tak em. A duh duh an inkuah a, a then insual an tum a, a ropui ang reng phian zawk mai. A then an inphur chhuak nawlh nawlh hlawm bawk a, ka entui lutuk chu duh aiin ka ding rei a, a hmuhnawm reng bawk a ni.
Ke bawk chuan ka la phei zel a, infawp leh inkuah hmuh phei tur an kat ta nawk mai, eng emaw lawmni ropui tak te pawh a ang rum rum. Zodin Square ka thleng phei a, Solomons Cave lam kan hawi thla chu an lo insual buai nasa mai. Ka tel ve loh chuan ka hmuhnawm tih zawng a ni bawk a, ka thlir reng a, ka ke a kham deuh tih ka hriat chuan Over Bridge step-ah chuan ka lawn chho a, a zawl ka thleng tur chu ka phu chiang kher mai. Rang mangkhengin ka let leh ringawt ka zak lutuk, Pair thum lai mai hi an lo inbawh ur mai, mak tak a ni. Saalaaa, van zia lo ve an sil them thum hlawm ang tih pawh hlauhawm tak a ni. Vantlang kalkawngah an lo bung ve thuai mai chu a ni si a, a va han mak zozai em ve le aw ka ti rilru a. Tichuan, a hnuai lam traffic point lam atang chuan ka kal phei ta zel a.
Traffic point atang chuan kan hawi phei a, Zodin Cinema hall chhukna step-ah chuan, a va mak thei em em. Lo inkeih kual uluk lutuk, mipa chuan a dup tha lai lai chu a hmet nghek nghek mai bawk si, hmeichhia khan na a ti nge va tih mai ka chak a, hmeh hlum a tum emaw tih mai tur hi a ni a. Mahse an mit an meng ngamlo nge an maimitchhing tlat bawk si, in thil han tih dan chu leh a ualau zia hi in hre lo a ni maw ti rilru chung chuan ka kalsan leh ta a. Chutia ka kal leh chu ka hma zawn tak maiah chuan inkuah hi ka hmu leh a, hmeichhia ve ve an ni bawk si, an lo in dut uluk ve leh viau bawk si, min zahlo ka ti lutuk chu kal pah chuan ka nek sawk a, ka nekna deuh nge ka duh aiin an per thui a. Ka hlauh ang ngeiin zah a hnekin min an khum ta phiar phiar zawk hlauh mai. Hmela, hmelphawng, i hmelchhe em mai, zawnga, i zak nange tih chu a rawn ri ta zawt zawt a. Ka hmel chu a pawngin a chhe fuh ve mai thei, mahse zawng em em chu ka ni bik lo a sin, nula nge nuthlawi nge pawmlai nei te u ka ti rilru a.
Kawngpui a naupang zing exercise la ho thawm bengchheng chuan min rawn ti harh ta zawk a, ka ui hle mai. Red Rose-Zuangtui thleng rawka ka kal chak nen, ka lukham leh lukham bula lehkhabu ka dah ho chu tuk dang ang lo takin chhuat ah a lo let rem rum mai a. Ka mang lam thil vangin ka lo vawrh vir kual nasa a ni ngei ang, ka han ngaihtuah chianga, zan mut dawna ka thil chhiar Fawhchizawrhna Pu Vanneihtluanga'n Lengzem a, a ziak kha ka lo mangphan lek hi a lo ni a. Mahse, ngaihtuah fe tham a awm.
Thil thleng mek a ni lo tih tunge sawi thei, nu leh pa ten in fate College leh hmun dangah engtinnge an awm in hre chiang em? In lama la nuara, titau ngam hi pawn lamah chuan Fa lo vang hian an lo thlawi ve tawh maithei a sin. Nakinah chuan kan khawlaiah te hian inkeih bawrh bawrh te hi kan la kal pel vawk vawk mai lawng maw? He Mizoram, kan ram Kristian sakhua hi thil tenawm leh dik lo, thalo pui pui a lo pun zel loh nan mitin hian a ven that hna hi tih tak zeta kan thawh ngam a ngai ta....
Ke bawk chuan ka kal zel a, ka kal muang deuh nge City Park ka thlen chuan a thim ta der mai, mahse zan light(eng) hnuaiah chuan engkim a hmuh theih vek a, Assembly House zawna ka kal lai chuan Treasury Square vel chu kan en phei a, mihring an la tam riau mai. Enge an tih aw ka ti rulru a, ka hnaih phei zel a. Thil mak a lo awm teuh mai, a va mak ngai em, film an chang emaw ka ti. Cameraman ka zawng ka hmu si lo, an va han zak lo tak em...awi karei... Taxi lo ding tlar hnaih deuh ah chuan ka kal phei a, chutah pawh thil mak tho mihring dang pawh an zah lo. Taxi chhungah chuan an lo in fawpin an in khawih bawrh bawrh mai a, driver lah chu engmah hrelo ang maiin meizial a zu khu luih luih a. Supply office kawt phei Bus Stand vel chu a va han tenawm tak em. A duh duh an inkuah a, a then insual an tum a, a ropui ang reng phian zawk mai. A then an inphur chhuak nawlh nawlh hlawm bawk a, ka entui lutuk chu duh aiin ka ding rei a, a hmuhnawm reng bawk a ni.
Ke bawk chuan ka la phei zel a, infawp leh inkuah hmuh phei tur an kat ta nawk mai, eng emaw lawmni ropui tak te pawh a ang rum rum. Zodin Square ka thleng phei a, Solomons Cave lam kan hawi thla chu an lo insual buai nasa mai. Ka tel ve loh chuan ka hmuhnawm tih zawng a ni bawk a, ka thlir reng a, ka ke a kham deuh tih ka hriat chuan Over Bridge step-ah chuan ka lawn chho a, a zawl ka thleng tur chu ka phu chiang kher mai. Rang mangkhengin ka let leh ringawt ka zak lutuk, Pair thum lai mai hi an lo inbawh ur mai, mak tak a ni. Saalaaa, van zia lo ve an sil them thum hlawm ang tih pawh hlauhawm tak a ni. Vantlang kalkawngah an lo bung ve thuai mai chu a ni si a, a va han mak zozai em ve le aw ka ti rilru a. Tichuan, a hnuai lam traffic point lam atang chuan ka kal phei ta zel a.
Traffic point atang chuan kan hawi phei a, Zodin Cinema hall chhukna step-ah chuan, a va mak thei em em. Lo inkeih kual uluk lutuk, mipa chuan a dup tha lai lai chu a hmet nghek nghek mai bawk si, hmeichhia khan na a ti nge va tih mai ka chak a, hmeh hlum a tum emaw tih mai tur hi a ni a. Mahse an mit an meng ngamlo nge an maimitchhing tlat bawk si, in thil han tih dan chu leh a ualau zia hi in hre lo a ni maw ti rilru chung chuan ka kalsan leh ta a. Chutia ka kal leh chu ka hma zawn tak maiah chuan inkuah hi ka hmu leh a, hmeichhia ve ve an ni bawk si, an lo in dut uluk ve leh viau bawk si, min zahlo ka ti lutuk chu kal pah chuan ka nek sawk a, ka nekna deuh nge ka duh aiin an per thui a. Ka hlauh ang ngeiin zah a hnekin min an khum ta phiar phiar zawk hlauh mai. Hmela, hmelphawng, i hmelchhe em mai, zawnga, i zak nange tih chu a rawn ri ta zawt zawt a. Ka hmel chu a pawngin a chhe fuh ve mai thei, mahse zawng em em chu ka ni bik lo a sin, nula nge nuthlawi nge pawmlai nei te u ka ti rilru a.
Kawngpui a naupang zing exercise la ho thawm bengchheng chuan min rawn ti harh ta zawk a, ka ui hle mai. Red Rose-Zuangtui thleng rawka ka kal chak nen, ka lukham leh lukham bula lehkhabu ka dah ho chu tuk dang ang lo takin chhuat ah a lo let rem rum mai a. Ka mang lam thil vangin ka lo vawrh vir kual nasa a ni ngei ang, ka han ngaihtuah chianga, zan mut dawna ka thil chhiar Fawhchizawrhna Pu Vanneihtluanga'n Lengzem a, a ziak kha ka lo mangphan lek hi a lo ni a. Mahse, ngaihtuah fe tham a awm.
Thil thleng mek a ni lo tih tunge sawi thei, nu leh pa ten in fate College leh hmun dangah engtinnge an awm in hre chiang em? In lama la nuara, titau ngam hi pawn lamah chuan Fa lo vang hian an lo thlawi ve tawh maithei a sin. Nakinah chuan kan khawlaiah te hian inkeih bawrh bawrh te hi kan la kal pel vawk vawk mai lawng maw? He Mizoram, kan ram Kristian sakhua hi thil tenawm leh dik lo, thalo pui pui a lo pun zel loh nan mitin hian a ven that hna hi tih tak zeta kan thawh ngam a ngai ta....
0 comments:
Post a Comment