EIRUKNA BAWK HUIHAMS
---------------------------------------
Tunlai hian eirukna a vang in hrem rawh se ti ten kan au dum dum a, ka hmuh danah chuan eirukna lo awm tawh zawng zawng hi chhui chhui mahse a hrem tur tak hi kum 20 hnu ah pawh hian an chhuichhuak in hrem tur tak hi an hrem tak tak thei dawn em ni tih ka ngaihtuah thin. Chuti a nih si chuan kan hmalam huna eirukna a tlem zel theihna tur a hmalak zawk hi a pawimawh hle in ka hria. A lehlam zawnga ngaihtuah phei chuan document vel ringawt atanga kan in umzui chiam chiam a nih chuan, nakin zel ah pawh eiru ten eiruk dan an fimkhur tulh tulh anga, lang silo a eirukna hi a tam tulh tulh ang tih te pawh a hlauhawm khawp mai.

Eiru ni ngei a kan ngaih finfiahna awm lo mahse thenkhat hi a inkhawm peih peih leh thahnem ngai ngai YMA velah pawh in hmang tak hi an ni leh lawi si a hei vang tak hian a nia. Kan Biakin sakna leh Kohhran vel ah hian Khawilai khaw kawng siamna tur emaw, building sakna tur emaw te hi alo tel teuh si chuan chunglam a mi hian a hre kar awm sia, engemaw tak hremna hmachhawn tur hi chu kan la nei angem te ka ti rilru mai mai thin.

Pawl te ram te a chakna ber chu THALAITE ah a ni thalai tih hian tunlai ah chuan kum 13 - 50 hi a huam tawh ang chu... Kan chhungkua ah kan nu leh pa te hlawh kan hre theuh a, an hlawh leh kan chhungkaw khawsak dan a in millo a nih chuan kan nu leh pa te pawh khak ngam ila, a insiam that theih a a sim theih a ni tih te hrilh ngam thalai kan awm a ngai tawh a ni. Mahse THALAITE bawk hi nu leh pa chawmhlawm a leng zuai zuai ngam kan ni leh si hi a pawiber. Eng pawisa atangin nge Bike/Scooty/Car etc. min lei tih ngaihtuah miah lo a nawmchenna kan la duh chhung hi chuan a rem lo ang.

Kan intih changkanna hian eirukna a keng tel a, TV vel a kan hmuh Hollywood life in kan nung a, sum ngah ngah hmeltha tih te hi a dik leh thin bawk si a, nangmah keimah vang te hian kan nu leh pa te hian an eiru maithei a sin!!! thawk lo a ei duh nawmchen duh changkang nih duh kan ni a, Khawvel thang mek a thil tha tha kan duh leh bawk a... Thalai ten mahni thawhchhuah chauh a thil neih kan chin hunah chuan kan thang awk awk anga eirukna pawh hi a la tlahniam ngei ang. Chutih hunah chuan eiru ni a kan ngaih sum lakluh nen a nunphung in millo te pawh kan la enhniam ngam mahna......